նախընտրելի դարձնել
Կորսիկայի Բոնիֆաչո քաղաքում մանկապարտեզ գնացող մահմեդականուհիներին այլ ծնողները թույլ չեն տվել ներս մտնել: Ոստիկանությունը ստիպված է եղել միջամտել վեճին, հայտնում է BBC-ն:
Մահմեդական կանանց մանկապարտեզ մտնել թույլ չտված ծնողները վրդովված էին նրանից, որ իրենց երեխաներին թույլ չեն տալիս խաչ կրել, մինչդեռ հիջաբներով կանայք անխոչընդոտ մտնում են մանկապարտեզ:
Ֆրանսիական օրենքների համաձայն, դպրոցներում երեխաներին եւ ուսուցիչներին արգելված է կրոնական խորհրդանիշներ եւ հագուստ կրել, որոնք ի ցույց են դնում նրանց կրոնական պատկանելիությունը: Սակայն այդ արգելքը չի տարածվում դպրոց եկող ծնողների վրա:
Հուլիսին Ֆրանսիայի մոտ 30 քաղաք եւ գյուղ կանացի լողազգեստ` բուրկինի կրելու արգելք է մտցրել, ինչի հետեւանքով օգոստոսին այդ նույն Կորսիկայում բախումներ են սկսվել տեղի բնակիչների եւ էմիգրանտների միջեւ:
