ՄԱԿ-ի պարենի եւ գյուղատնտեսական կազմակերպության հետ համագործակցող գիտնականները հայտնել են, թե որոնք են աշխարհի ամենավտանգավոր կենդանիները:  Մասնագետները ընտրել են այն կենդանիներին, որոնց հետ հանդիպումը մարդու համար կարող է մահացու ելք ունենալ: 

Հակառակ տարածված կարծիքին, թե շնաձկները ամենավտանգավոր կենդանիներն են, նրանք ցուցակի ամենավերջում են հայտնվել: Գիտնականների խոսքով, շնաձկները մարդու վրա հարձակվում են տարին մոտավորապես  3-6 անգամ:

Գայլերը եւ առյուծները սպանում են տարեկան համապատասխանաբար  10 եւ 22 մարդ, հայտնում է Informing-ը:

Պարզվել է, որ անհամեմատ ավելի վտանգավոր են փղերը եւ գետաձիերը, որոնց հետ հանդիպումը կարող է  500 եւ ավելի մարդկանց մահվան պատճառ դառնալ: 

Ցուցակում հաջորդը ժապավենաձեւ որդերն են, որոնց պատճառով տարեկան մոտ   700 մարդ է մահանում: Նրանց հետեւում են կոկորդիլոսները, որոնք տարեկան մոտ  1000 մարդ են ուտում:

Ասկարիդները եւս շատ վտանգավոր են մարդու համար, նրանց պատճառով տարեկան 4500 մարդ է զոհվում:

Դրանից հետո բաշխվել են մարդու համար առավել վտանգավոր կենդանիները: Այսպես` ցեցե ճանճը եւ նրա տարածած լեթարգիական էնցեֆալիտը ամեն տարի   10000 մարդ է սպանում:

Եռատոմ փայտոջիլները տարեկան մոտ  12000 մարդու մահվան պատճառ են դառնում, որովհետեւ տարածում են Շագասա հիվանդությունը:

Քաղցրահամ ջրերի խխունջը, որը շիստոմատոզ անվանումով հիվանդության կրող է,  ամեն տարի  20000 մարդ է սպանում: Շների փոխանցած կատաղությունը  35000 մարդու կյանք է խլում:

Վտանգավորության աստիճանով առաջին եռյակի մեջ են մտնում օձերը  (տարեկան 100 000  մարդ): Նրանց հետեւում է ինքը` մարդը, որն ամեն տարի սպանում է   437000 իրեն նմանի: Եվ ցուցակի առաջնորդը մոծակներն են, որոնք մալարիա եւ այլ հիվանդություններ են փոխանցում, որոնց պատճառով տարեկան   750000 մարդ է մահանում: