նախընտրելի դարձնելՀՀ ԱԻՆ ճգնաժամային կառավարման ազգային կենտրոնը ստացել է ՌԴ ԱԻՆ օդանավով Հյուսիսային Օսեթիայում տեղի ունեցած ավտոբուսի վթարի հետեւանքով տուժածների` Երեւան ժամանող 27 ուղեւորների ցանկը: Նույն օդանավով Հայաստան կտեղափոխվի նաեւ պատահարի հետեւանքով զոհված 1954 թ. ծնված Յուրա Պողոսյանի դին:
ՌԴ ԱԻ նախարարությունն այդ նպատակով հատկացրել է ԱՆ-148 մակնիշի օդանավ:
ՀՀ ԱԻ նախարար Ա. Երիցյանի կարգադրությամբ` Երեւանի «Զվարթնոց» միջազգային օդանավակայանում սահմանվել է ՀՀ ԱԻՆ ՓԾ ղեկավար կազմի եւ աշխատակիցների հերթապահություն, ծավալվել են ԱԻՆ բժշկական, հոգեբանական եւ տեղեկատվական ծառայությունների արձագանքման կետեր` Հյուսիսային Օսեթիայից ժամանող ՀՀ քաղաքացիներին օգնություն տրամադրելու համար:
Ժամը 17.47-ին օդանավը մեկնել է Բեսլանից:
Ինքնաթիռի ժամանման մասին տեղեկություններ կտրամադրվեն լրացուցիչ:
