նախընտրելի դարձնելՀամաձայն ՀՀ ոստիկանապետի 2012 թվականի մարտի 29-ի թիվ 1313-Ա հրամանում կատարված փոփոխությունների՝ ֆիզիկական եւ իրավաբանական անձանց պատկանող տրանսպորտային միջոցների հաշվառման մեծ պահանջարկ ունեցող որոշ համարանիշերի հատկացման գները 2016 թվականի նոյեմբերի 14-ից նվազելու են:
ՀՀ Ճանապարհային ոստիկանությունից NEWS.am-ին հայտնում են, որ գնային պատկերն այսպիսին է լինելու.
1. 150.000 (բացի` YX+-XXX, XY+-XXX, XXX+-YX եւ XXX+-XY չափորոշիչներից), 250.000, 400.000 եւ 600.000 դրամ արժեք ունեցող տարբեր տառեր պարունակող համարանիշերի արժեքները նվազելու են եւ կազմելու է համապատասխանաբար 100.000, 150.000, 250.000 եւ 500.000 դրամ.
2. 1.500.000 դրամ արժեք ունեցող 0X+-00X, X0+-00X, 00X+-0X եւ X00+-0X չափորոշիչներին համապատասխանող համարանիշերի արժեքը նվազելու է եւ կազմելու 1.000.000 դրամ.
3. Մինչեւ 2016 թվականի դեկտեմբերի 30-ը ներառյալ՝
1) 1.500.000 դրամ արժեք ունեցող XX+-XXX եւ XXX+-XX չափորոշիչներին համապատասխանող համարանիշերի արժեքը նվազելու է եւ կազմելու 1.000.000 դրամ,
2) 3.000.000 դրամ արժեք ունեցող 0X++00X, X0++00X, XX+-XXX, 00X++0X, X00++0X եւ XXX+-XX չափորոշիչներին համապատասխանող համարանիշերի արժեքը նվազելու է եւ կազմելու 2.000.000 դրամ,
3) 8.000.000 դրամ արժեք ունեցող XX++XXX եւ XXX++XX չափորոշիչներին համապատասխանող համարանիշերի արժեքը նվազելու է եւ կազմելու 5.000.000 դրամ:
