Այսօր `ժամը 00:30 սահմաններում, Երեւանի Մյասնիկյան պողոտայում, Արքայաձոր համալիրի դիմաց, վթար է տեղի ունեցել:

Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, ՎԱԶ -2109 մակնիշի 43 ՏՏ 859 համարանիշի մեքենայի վարորդը, նախատեսվածից բարձր արագությամբ վարելով մեքենան, կորցրել է մեքենայի կառավարումը եւ հարվածել է ճանապարհի բետոնե միջնապատին:

Բախումից մեքենան շուռ է եկել: Մեկը տեղում մահացել է, 2 հոգի տեղափոխվել է հիվանդանոց: Մահացողի գրպանում հայտնաբերվել է Հայաստանի ոստիկանության ծառայողական վկայական, ոստիկանության ավագ Արայիկ Ռուբիկի Հայրապետյանի անունով:

Այս պահին վթարի վայրում են Երեւանի ճանապարհային ոստիկանության աշխատակիցները: Վթարի վայր է ժամանել նաեւ Նոր Նորքի ոստիկանության բաժնի պետ Մուշեղ Օհանյանը: Ըստ Գագիկ Շամշյանի `ոստիկանության աշխատանքերը ղեկավարում են Երեւան քաղաքի ճանապարհային ոստիկանության պետ Արսեն Արշակյանը, Երեւան քաղաքի Ճանապարհատրանսպորտային հանցագործությունների քննության բաժնի պետ Հարութ Մարգարյանը: Դեպքի վայրում են նաեւ քննիչները:

Դիակը դեռեւս չի տեղափոխվել դիահերձարան: Նշված տարածքում երթեւեկությունը ժամանակավորապես դադարեցված է:

 

 

 

 

 

 

Լուսանկարները` Գագիկ Շամշյանի