նախընտրելի դարձնել
Շրի Լանկայի իշխանությունները հայտարարել են, որ մայրաքաղաք Կոլոմբոյում հավաքել են աշխարհում ամենաբարձր արհեստական տոնածառը:
Տոնածառը պատրաստվել է պողպատե ձողերից եւ մետաղալարից, այն զարդարված է միլիոնավոր նկարված կոներով եւ տոնական հարյուրավոր լույսերով: BBC-ի փոխանցմամբ՝ տոնածառի բարձրությունը 73 մետր է: Գաղափարի հեղինակները պնդել են, որ ցանկացել են իրենց ստեղծագործությունը դարձնել տարբեր կրոնների ներկայացուցիչների փոխըմբռնման խորհրդանիշ:
Նրանց խոսքով՝ արդեն հայց են ներկայացրել տոնածառը Գինեսի ռեկորդների գրքում գրանցելու համար՝ որպես աշխարհում ամենաբարձրը:
Ներկայիս ռեկորդը պատկանում է Չինաստանի Գուանչժոում 2015-ին տեղադրված 53-մետրանոց տոնածառին:
Շրի Լանկայում հիմնականում դավանում են բուդդիզմ, հինդուիզմ կամ իսլամ, սակայն մեծ թվով կաթոլիկներ էլ կան:
