Ուրուգվայի նախկին բռնապետ Գրեգորիո Ալվարեսը 92 տարեկանում սրտի կաթվածից մահացել է, հայտնում է El Obsevador–ը՝ վկայակոչելով ՆԳՆ–ում իր աղբյուրները։

Հաղորդվում է, որ նա մահացել է բանտում, որտեղ վերջին 10 տարիներին կրում էր իր պատիժը ընդդիմության գործիչներին սպանելու համար։

Ալվարեսն ապօրինի զբաղեցնում էր հանրապետության նախագահի պաշտոնը 1981-1984 թթ.։ Նա 1973-ի ռազմական հեղաշրջման գլխավոր  գործող անձանցից մեկն էր եւ դրանից  հետո երկրում 12 տարի իշխող բռնապետության հիմնադիրը։

2009 թվականին նրան 25 տարվա ազատազրկման էին դաապարտել։