նախընտրելի դարձնելԵրկրի տնտեսության համար տարվա առաջին ամիսը կանխորոշիչ չէ: Սակայն Հայաստանի արդյունաբերության համար մեկնարկը բավական հաջող էր. արտադրության ֆիզիկական ծավալը տարեկան հաշվարկով աճել է 12,2%-ով: Հիշեցնենք, որ անցած տարվա հունվարին նույնպես աճի ցուցանիշը երկնիշ էր (15,7%), այնպես որ համեմատելու հիմքերը փոքր չեն:
Սակայն արդյունաբերությունում որոշակի տեղաշարժեր են եղել: Անցած տարվա հունվարին ընդհանուր աճին նպաստել էր մետաղական հանքարդյունահանումը (ֆիզիկական արտադրանքի աճը կազմել էր 1,8 անգամ): Իսկ այս տարվա հունվարին այս ոլորտում 3,1% անկում է արձանագրվել: Արդյունքում արտադրության ֆիզիկական ընդհանուր ծավալի աճի ցուցանիշը հարաբերականորեն դանդաղել է 0,6%-ով:
Դատելով պաշտոնական տվյալներից՝ վերամշակող արդյունաբերության ոլորտում արձանագրվել է 19,4% աճ: Եթե, իհարկե, տվյալը սխալ չէ: Ըստ ամենայնի, մի շարք՝ սննդամթերքի, խմիչքների, ինչպես նաեւ հիմնական մետաղների ոլորտներում արձանագրված դրական միտումն իր ազդեցությունն է թողել:
Ինչպես հայտնի է, նախկինում ծխախոտային արտադրանքի արտադրությունն աչքի էր ընկնում կայուն աճով: Անցած տարվա տվյալններով, «Գրանդ Տոբակոն» անգամ պատվավոր երկրոդ տեղն էր զբաղեցրել Հայաստանի խոշոր հարկատուների ցուցակում: Բայց այս , հունվարին արտադրանքի ֆիզիակական ծավալը կրճատվել է 1/10-ով (10,3%-ով), ինչը պայմանավորված է ատաքին շուկա արտադրանքի արտահանման ծավալների նվազումով: Հիմնական գնորոդները երրորդ երկրներն են, ԱՊՀ երկրների մասնաբաժինն այստեղ չի հասնում անգամ մեկ տոկոսի: Հենց երրորդ երկրների «գծով» էլ արտահանումը նվազել է զգալիորեն՝ 22,3%-ով:
Հակառակ ծխախոտային արտադրանքի՝ խմիչքների արտադրությունը զգալի աճել է՝ 1,7 անգամ, ինչը պայմանավորված է ալկոհոլի արտահանման ընդլայնմամբ: Հունվարին ԱՊՀ երկրներ (հիմնականում՝ Ռուսաստան) արտահանումն աճել է 4,6 անգամ:
Սմբատ Գրիգորյան
