նախընտրելի դարձնելՎանաձորի Ուսանողական 90 հասցեի երրորդ հարկի բնակչուհի Ազնիվ Շահվերդյանը մի քանի օր է՝ երեք երեխաներին ուղարկել է հարազատների տուն: Պատճառը իրարից հեռացած առաստաղի սալերն են, որոնց արանքներից քարերն ու ձնհալից առաջացած ջուրն օրեր շարունակ անարգել թափվում է սենյակ:
«Մեկ շաբաթից ավել է, անձրաջրերն անընդհատ թափվում են, հատկապես ցերեկային ժամերին ստիպված ենք լինում անընդհատ փոխել թասերը: Բայց դա դեռ ոչինչ:Մի քանի օր առաջ էլ նկատեցի, որ առաստաղի պանելներն իրարից հեռացել են ու կախվել: Շատ վախեցանք: Երեք երեխա ունեմ, բա որ ընկնի՞»,- ասում է Ազնիվը:
Թեեւ այժմ երեխաները ժամանակավորապես գտնվում են անվտանգ վայրում, սակայն մայրը դժգոհում է՝ ինչքա՞ն կարող է ուրիշների տանը պահել նրանց:
«Չգիտենք՝ կլուսացնե՞նք, թե՞ կմնանք տակը:Ես ոչինչ, ինչ ուզում ա լինի, բա երեխեքս», - ասում է տիկին Ազնիվը:
Բնակիչների խոսքով՝ կաթոցի տակ են հանրակացարանի երրորդ հարկի մոտ 10 սենյակներ, որոնցում ապրում են ոչ միայն մեծահասակներ, այլեւ երեխաներ:
