նախընտրելի դարձնելՄիչիգան նահանգի դպրոցները ցանկանում են դիզելով կամ բնական գազով աշխատող նոր դպրոցական ավտոբուսներ գնել այն գումարով, որը Volkswagen կոնցեռնն էր որպես տուգանք վճարել ռեգիոնին վնասակար արտանետումների նորմերը խախտելու համար, հայտնում է Motor–ը։
Նախաձեռնության հեղինակները հայտնել են, որ հիմա նահանգում ավելի քան հինգ հազար հին դպրոցական ավտոբուս կա, որոնք տարիքը գերազանցում է 10 տարին։ Դրանք բոլորը դիզելային շարժիչներով են։
Ավտոբուսների պարկի թարմացման համար խնդրում են այն 30 մլն դոլարը, որը Volkswagen –ը վճարել է որպես տուգանք։
Ընդ որում , նախաձեռնության հեղինակների ներկայացուցիչ Դոն Օլդենդորֆի խոսքով դպրոցական ավտոբուսների ամբողջ պարկը թարմացնելու համար կպահանջվի մոտ 500 մլն դոլար։
Volkswagen կոնցեռնը խախտել էր վնասակար արտանետումների նորմերը։ 2015-ին նորմերի խախտում էր հայտնաբերվել 11 մլն ավտոմեքենաներում, որոնցից 600 հազարը ԱՄՆ-ում։ 2016-ի գարնանը հայտնել էին , որ ավտոարտադրողը համաձայնել է ԱՄՆ-ին վճարել փոխհատուցում, որի չափը կազմում է 10 մլրդ դոլար։
