նախընտրելի դարձնելԿանադայի Բրիտանական Կոլումբիա նահանգը չեղյալ է համարել աշխատավայրում դրես կոդի պահանջը, համաձայն որի կանայք պետք է բարձրակրունկներ կրեն: Նահանգային կառավարությունը հայտարարել է, որ նման պահանջը խտրականության դրսեւորում է եւ կարող է սպառնալ առողջությանը, հաղորդում է BBC-ն:
Բրիտանական Կոլումբիա նահանգի իշխանությունները համոզված են, որ բարձրակրունկ կոշիկը կարող է վնասվածքների պատճառ դառնալ, եւ կոշիկը պետք է այնպիսին լինի, որ մարդիկ կարողանան անվտանգ աշխատել:
Վերջին շրջանում աշխատավայրում բարձրակրունկ կոշիկ կրելու հարցը լայն քննարկման առարկա է դարձել:
Անցած հունվարին բրիտանական խորհրդարանի երկու հանձնաժողովներում ներկայացվել էր «Բարձրակրունկ կոշիկներն ու աշխատանքային դրես կոդը» զեկույցը, որտեղ առաջարկվում էր արգելել խտրականություն պարունակող դրես կոդի կիրառությունը կանանց նկատմամբ: Զեկույցում, մասնավորապես, բերվել էր Նիքոլ Թորփի օրինակը, ում աշխատանքից տուն էին ուղարկել ցածր կրունկով կոշիկ կրելու համար:
