նախընտրելի դարձնելՀՀ նախագահ Սերժ Սարգսյանն այսօր՝ մայիսի 2-ին, շնորհավորական ուղերձ է հղել Հայաստանի Հանրապետության ժողովրդական արտիստ, ջութակահար Էդուարդ Թադեւոսյանին ծննդյան 70-ամյակի առթիվ:
ՀՀ նախագահի մամուլի գրասենյակից NEWS.am-ին հայտնում են, որ շնորհավորական ուղերձում ասվում է.
«Մեծ է Ձեր ավանդը հայ մշակույթի եւ հայկական կատարողական արվեստի ավանդույթների հարստացման եւ զարգացման գործում:
Երկար տարիների արդյունավետ համերգային եւ մանկավարժական գործունեության շնորհիվ Դուք արժանիորեն դասվում եք հայ երաժշտարվեստի երախտավորների շարքին:
Բարձր գնահատականի է արժանի Կոմիտասի անվան ազգային քառյակի կազմում տասնամյակների Ձեր նվիրված աշխատանքը, որի շնորհիվ գրվել են երաժշտախմբի տարեգրության նշանակալի էջերը:
Մաղթում եմ Ձեզ քաջառողջություն, երջանիկ կյանք եւ նոր ձեռքբերումներ»:
