նախընտրելի դարձնել
«Ճանապարհային դեպարտամենտ» հիմնադրամի գործադիր տնօրենի տեղակալ Արման Խաչատրյանը երեկ ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանի գլխավորությամբ մասնակցել է Հայաստան-Իրան սահմանի «Նորդուզ» անցակետում կայացած ՀՀ-ԻԻՀ միջգերատեսչական հանդիպմանը։ Այդ մասին NEWS.am–ին հայտնում է «Ճանապարհային դեպարտամենտ» հիմնադրամը:
Իրանական կողմը ներկայացված էր Իրանի Իսլամական Հանրապետության ճանապարհների և քաղաքաշինության նախարարի տեղակալ Ռեզա Աքբարիի ղեկավարությամբ:
Կողմերը քննարկել են սահմանային ենթակառուցվածքների վերազինման, բեռնափոխադրումների ծավալների մեծացման մեխանիզմները:
Փոխնախարարներ Ղալեչյանը և Աքբարին գործնական պայմանավորվածություն են ձեռք բերել կարգավորել երկկողմ բեռնափոխադրումների ոլորտում առկա խոչընդոտները:
Հայկական պատվիրակությունը ներկա է գտնվել նաև «Նորդուզ» անցակետի վերակառուցման նախագծի հիմնարկեքի արարողությանը:
