նախընտրելի դարձնելՉինական մշակման ուղեւորատար առաջին օդանավը ուրբաթ կատարել է առաջին թռիչքը: Չինացի արտադրողների մտահղացմամբ՝ Comac C919-ը պետք է դառնա Boeing 737-ի եւ Airbus A320-ի մրցակիցը, փոխանցում է BBC-ի ռուսական ծառայությունը:
Հաջողության դեպքում C919-ը կդառնա չինական միջինմայրուղային առաջին օդանավը, որին կհաջողվի մտնել ավիափոխադրումների միջազգային շուկա: Այն պատկանում է պետական Comac ընկերությանը:
Օդանավը նախատեսված է մինչեւ 168 ուղեւորների համար: Այն թռիչքներ կկատարի մինչեւ 5,5 հազար կմ հեռավորությամբ:
Չինական լրատվամիջոցների տեղեկություններով՝ օդանավի արժեքը կկազմի մոտ 50 մլն դոլար, որը Boeing 737-ի կամ Airbus A320-ի գնի կեսից փոքր-ինչ պակաս է:
Օդանավը երկինք է բարձրացել Շանհայի միջազգային օդանավակայանից: Այստեղ է տեղակայված ընկերության արտադրական կենտրոնի հավաքման հոսքագիծը
Օդանավի հիմնական գնորդը կլինի China Eastern Airlines ավիաընկերությունը:
Թռիչքների անվտանգության եվրոպական կարգավորողն արդեն սկսել է օդանավի հավաստագրումը՝ սա առանցքային փուլ է, որն օդանավին թույլ կտա միջազգային շուկա մտնել:
