նախընտրելի դարձնել
Beeline-ը տեղեկացնում է, որ միանում է Թանգարանների օրվան նվիրված ամենամյա միջազգային ակցիային:
Մայիսի 18-ին Beeline Կապի թանգարանի դռները բաց կլինեն այցելուների առջեւ ժամը 09։00-ից մինչեւ 18։00-ն, իսկ մայիսի 20-ին՝ 15:00-ից մինչեւ 21:00-ն:
«Beeline-ն ուրախությամբ հրավիրում է այցելել մեր թանգարան բոլոր նրանց, ովքեր հետաքրքրվում են կապի տեխնոլոգիաների զարգացման պատմությամբ: Կապի ժամանակակից տեխնոլոգիաներն այսօրվա երիտասարդության համար դարձել են սովորական, սակայն այդ ծառայության ապահովումն` աշխատատար ու շատ հետաքրքիր գործ է: Մենք կանգնած ենք, եղել հեռահաղորդակցության պատմության կերտման ակունքներում, որի մի մասն էլ այսօր ներկայացված է մեր Կապի թանգարանում: Մենք այս տարի եւս միանում ենք «Թանգարանների գիշեր» ամենամյա միջոցառմանը եւ հրավիրում բոլոր ցանկացողներին այցելել Կապի թանգարան եւ ծանոթանալ հայ կապավորների եւ հեռահաղորդակցության զարգացման պատմությունը», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Կապի թանգարանում ներկայացված են հեռախոսային կապի եւ ընկերության զարգացման պատմությանը վերաբերող նյութեր, ինչպես նաեւ երկրում ներդրված կապի ժամանակակից տեխնոլոգիաների ցուցանմուշներ: Թանգարանում ներկայացված ցուցանմուշները հնարավորություն են ընձեռում այցելուներին ծանոթանալ XX-րդ դարից սկսած մինչեւ ժամանակակից թվային ֆիքսված, բջջային եւ ինտերնետ կապի սարքավորումներին: Կապի թանգարանը գործում է Ազատություն 24/1 հասցեում։
«Թանգարանների գիշեր» միջազգային ակցիայի հիմնական նպատակն է երիտասարդությանը թանգարաններ ներգրավելով՝ ներկայացնել ժամանակակից թանգարանների ռեսուրսն ու ներուժը: Առաջին անգամ «Թանգարանների գիշեր» ակցիան կայացել է Բեռլինում 1997 թվականին, իսկ 2009 թվականին այս միջոցառմանը մասնակցել են արդեն 2300 Եվրոպական թանգարան: Այս տարի եւս աշխարհի ավելի քան 30 հազար թանգարաններ հանդես են գալու հատուկ միջոցառումներով եւ նախաձեռնություններով: Միջոցառմանը կմասնակցեն Հայաստանի եւ Արցախի 113 թանգարանների միասնութուն:
