նախընտրելի դարձնել
Եվրոպայի Խորհրդի խորհրդարանական վեհաժողովում Հայաստանի պատվիրակությունը ղեկավարելու է ԱԺ փոխնախագահ Արփինե Հովհաննիսյանը։ Այդ մասին ՀՀԿ ԳՄ նիստից հետո լրագրողներին հայտնել է ԱԺ փոխնախագահ Էդուարդ Շարմազանովը։
Նա նշել է, թե ԳՄ նիստում քննարկել են ներկուսակցական ներքաղաքական խնդիրներ, քննարկումներ են ծավալվել արտաքին քաղաքականության հարցերի հետ։
Որոշվել են միջազգային կառույցներում ՀՀ պատվիրակությունների ղեկավարների պաշտոնները։ Բոլոր թեկնածուները հանրապետականներ են։
ԱՊՀ Խորհրդարանական վեհաժողովում հայկական պատվիրակությունը ղեկավարելու է ԱԺ նախագահ Արա Բաբլոյանը։
ՀԱՊԿ Խորհրդարանական վեհաժողովի պատվիրակությունը ղեկավարելու է Էդուարդ Շարմազանովը, ԵԱՀԿ ԽՎ պատվիրակությունը՝ Հերմինե Նաղդալյանը, Եվրանեսթում եւ Հայաստան-ԵՄ պատվիրակությունները՝ Արմեն Աշոտյանը, ՆԱՏՕ ԽՎ պատվիրակությունը՝ Կորյուն Նահապետյանը, Ուղղափառության միջխորհրդարանական վեհաժողովի պատվիրակությունը՝ Արտաշես Գեղամյանը, Սեւծովյան տնտեսական համագործակցության կազմակերպությունում՝ Գագիկ Մինասյանը, Ֆրանկոֆոնիայի միջխորհրդարանական վեհաժողովի պատվիրակությունը՝ Մարգարիտ Եսայանը, իսկ միջխորհրդարանական միությունում ՀՀ պատվիրակությունը՝ Արա Բաբլոյանը։
ՀՀԿ-ն նշանակել է նաեւ միջխորհրդարանական հանձնաժողովների պատվիրակությունների ղեկավարներին՝ ՀՀ-ՌԴ հանձնաժողովի պատվիրակությունը գլխավորելու է Արտաշես Գեղամյանը, Հայաստան-Վրաստան, Հայաստան-Բելառուս, Հայաստան Կիպրոս հանձնաժողովները՝ Էդուարդ Շարմազանովը, Հայաստան-Արցախ հանձնաժողովը՝ Արա Բաբլոյանը, Հայաստան-ԱՄՆ հանձնաժողովը՝ Արփինե Հովհաննիսյանը։
