Գեղարքունիքի մարզում բոլոր խնդիրները չէ, որ լուծվելու են  մարզի բյուջեի  հաշվին: Այս մասին NEWS.am–ի հետ զրույցում նշել է բ Գեղարքունիքի նորանշանակ մարզպետ, նախկին ՕԵԿ–ական պատգամավոր,  Կարեն Բոթոյանը:

«Այսօր ամբողջ երկրում է այդպես, էնպես  չի, որ բոլոր խնդիրները  լուծվում են բյուջեով, այսօր  ողջ հանրապետությունն է  էդ վիճակում։ Կամաց–կամաց քայլերով առաջ ենք գնում։ Անհրաժեշտ են ֆինանսական միջոցներ, բայց եղած  պամաններն էլ բավարար են»,–ասել է մարզպետը։

 Հարցին՝ պատրաստվո՞ւմ է իր ընտանիքին պատկանող բիզնեսից ներդրում անել մարզի զարգացման համար, մարզպետը դժվարացել է հստակ ասել. «Կապրենք՝ կտեսնենք»:

Կարեն Բոթոեյանը նշել է, թե մարզում բազմաթիվ խնդիրներ կան, իսկ մարզպետից ծանր ժառանգություն չի ստացել.  «Մենք փորձում ենք համահունչ կերպով  արձագանքել խնդիրներին։ Նախկին մարզպետը եւս կատարել է տիտանական աշխատանք, եւ մենք այսօր միասին փորձում ենք շարունակել նույն գիծը»։