Հայաստանի ԱԻՆ-ում, այսօր՝ հուլիսի 1-ին, ժամը 00:01-ին ահազանգ է ստացվել, որ Երեւան քաղաքի «Հրազդան» մարզադաշտի մոտակայքում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Դեպքի վայր է մեկնել երկու մարտական հաշվարկ:

Պարզվել է, որ «Toyota Corolla» մակնիշի 134 PI 01 համարանիշի ավտոմեքենան (վարորդ՝ 35-ամյա Դանիել Բ.) դուրս է եկել ավտոճանապարհի երթեւեկելի գոտուց եւ բախվել արտաքին լուսավորման սյանը, ապա հայտնվել հանդիպակաց երթեւեկելի գոտում:

Ուղեւոր 50-ամյա Անդրեյ Ղարիբյանը տեղում մահացել է, իսկ վարորդ՝ Դ. Բ.-ը հոսպիտալացվել է «Աստղիկ» ԲԿ: Բժիշկները տուժածի առողջական վիճակը գնահատել են միջին ծանրության:

Փրկարարները Անդրեյ Ղարիբյանի դին մոտեցրել են դի տեղափոխող ավտոմեքենային, հոսանքազրկել են «Toyota Corolla» մակնիշի ավտոմեքենան եւ կատարել ավտոճանապարհի լվացման աշխատանքներ:

Դեպքի վայրում է գտնվել ՓԾ տնօրեն փ/ծ գնդապետ Մ.Ղազարյանը:

Shamshyan.com-ի փոխանցմամբ, վարորդն ու մահացածը ոստիկանության ծառայողներ են: