նախընտրելի դարձնել
Այսօր` դեկտեմբերի 7-ին ԼՂՀ նախագահ Բակո Սահակյանը Ստեփանակերտում Հայաստանի քաղաքացիական ավիացիայի գլխավոր վարչության պատվիրակության հետ քննարկել է Ստեփանակերտի օդանավակայանի վերագործարկման հետ կապված հարցեր:
ԼՂՀ նախագահի մամուլի ծառայությունից NEWS.am-ին հայտնում են, որ ՀՀ քաղավիացիայի գլխավոր վարչության պատվիրակությունը գլխավորել է կառույցի ղեկավար Արտյոմ Մովսեսյանը:
Իրականացվող աշխատանքների ընթացքի մասին տեղեկություններ է հաղորդել ԼՂՀ քաղաքացիական ավիացիայի վարչության պետ Դմիտրի Աթբաշյանը: Իրենց նկատառումներն են արտահայտել նաեւ Արտյոմ Մովսեսյանը եւ ՀՀ քաղաքացիական ավիացիայի մասնագետները:
Բակո Սահակյանը գոհունակություն է հայտնել իրականացվող աշխատանքների տեմպերի կապակցությամբ՝ ընդգծելով միաժամանակ, որ անհրաժեշտ է ակտիվացնել աշխատանքները որակյալ կադրերի եւ մասնագետների պատրաստման ուղղությամբ:
Հանդիպմանը մասնակցել են ԼՂՀ վարչապետ Արա Հարությունյանը, պաշտոնատար այլ անձինք:
