նախընտրելի դարձնելԴեկտեմբերի 15-ին հիվանդանոցից ոստիկանության Գորիսի բաժնում հաղորդում է ստացվել, որ ժամը 00.05-ին ճակատի պատռված վերքով իրենց մոտ է տեղափոխվել Շինուհայր գյուղի բնակիչ, 56-ամյա Մամիկոն Ն.-ն:
Ոստիկանության մամուլի ծառայությունից NEWS.am-ին հայտնում են, որ ոստիկանները պարզել են, որ նրա վարած «ՎԱԶ-2106» մակնիշի ավտոմեքենան ժամը 23.00-ի սահմաններում Հալիձոր-Շինուհայր ճանապարհի 3-րդ կմ-ին շրջվել է:
Դեպքի վայրից անհայտ անձը նշված ավտոմեքենան տեղափոխել է անհայտ ուղղությամբ:
Ձեռնարկվում են միջոցառումներ ավտոմեքենան հայտնաբերելու ուղղությամբ:
Կատարվում է քննություն:
