նախընտրելի դարձնելԵրեւանում, այսօր՝ նոյեմբերի 23-ին, խոշոր ավտովթար է տեղի ունեցել. ժամը 14:00-ի սահմաններում տաքսի ավտոմեքենան Լենինգրադյան փողոցում, ստեղծելով վթարային իրավիճակ, կտրել է 24-ամյա Տիգրան Ղ.-ի վարած Hummer մակնիշի 01 CR 707 համարանիշի ավտոմեքենայի վարորդի առջեւ:
Shamshyan.com-ի փոխանցմամբ, այնուհետեւ Hummer-ի վարորդը, խույս տալով բախումից, կարողացել է շրջանցել վթարային իրավիճակ ստեղծած ավտոմեքենան, սակայն դուրս է եկել ճանապարհի երթեւեկելի գոտուց եւ կողաշրջվել՝ բախվելով գովազդային ցուցանակին:
Բախման հետեւանքով «Սանիտեք» ընկերության աղբարկղը շպրտվել եւ վնասել է ճանապարհի թույլատրելի հատվածում կայանված «ՎԱԶ 2106» մակնիշի 84 PQ 444 համարանիշի, Mercedes մակնիշի 35 GԼ 809 համարանիշի ավտոմեքենաները:
Աղբյուրի տվյալներով, վթարային իրավիճակ ստեղծող ավտոմեքենան դիմել է փախուստի:
