նախընտրելի դարձնել2017 թվականի ընթացքում Գերմանիայում բռնագրավվել է ռեկորդային ծավալի կոկաին՝ 7 տոննա, որը երեք անգամ ավելի է, քան մեկ տարի առաջ, հաղորդում է Spiegel-ը:
Բեռի մեծ մասը բռնագրավվել է Համբուրգի եւ Բրեմերհավենի նավահանգիստներում:
Դաշնային քրեական բյուրոյի տվյալներով՝ թմրամիջոցների թրաֆիքինգի նման ծավալները կապված են Հարավային Ամերիկայում կոկաինի արտադրության կտրուկ աճի հետ: Արտադրության աճը հանգեցրել է, մասնավորապես, Արեւմտյան Եվրոպա եւ Գերմանիա արտահանման աճին:
«Ակնհայտ է, որ հանցագործները գործում են «առաջարկը ծնում է պահանջարկ» կարգախոսի ներքո», –կարծիք է հայտնել Բյուրոյի ներկայացուցիչ Քրիստիան Հոփեն:
Նրա խոսքով՝ ապագայում կարելի է սպասել Գերմանիայում կոկաինի աճող սպառում:
