Մեքսիկայի Էկատեպեկե բնակավայրում հայտնաբերվել է 26-ամյա մոդելի դին՝ մարմնի վրա խոշտանգումների հետքերով, հաղորդում է Universal պորտալը։

Նախնական տվյալներով՝ աղջկա դեմքը լրիվ այլանդակված է ծծմբական թթվով (կիսլոտա)։  Նա վենեսուելացի էր եւ էսկորտ ծառայություններ էր մատուցում։

Սա առաջին հարձակումը չէ ինտիմ բնույթի ծառայություններ մատուցող աղջիկների վրա։ Այսպես, 2017 թվականի դեկտեմբերին Մեխիկոյում սպանվել էր արգենտինացի մի աղջիկ։ Ապա Նուեւո Լեոն նահանգում կրակել են վենեսուելացի մեկ այլ մոդելի։