Արեւելյան Գուտայում փետրվարի 18-ին օդային հարվածների եւ ռմբակոծությունների հետեւանքով շուրջ 600 մարդ է զոհվել եւ ավելի քան 2000-ը վիրավորվել է: Այս մասին մարտի 4-ին հայտնել է Սիրիայում ՄԱԿ-ի տարածաշրջանային ներկայացուցիչ Փանոս Մումցիսը, հաղորդում է DW-ը՝ վկայակոչելով Reuters գործակալությունը:

Տարածաշրջանում մարտերը սաստկանում են, ավելի ու ավելի շատ մարդիկ են զոհվում, շարունակվում են բնակչության շրջանում սովի եւ հիվանդանոցների գնդակոծման մասին լուրերը, հավելել է Մումցիսը: Նա հայտարարել է Արեւելյան Գուտում բռնության աճի մասին եւ ընդգծել է, որ «քաղաքացիական անձանց կոլեկտիվ պատիժը պարզապես անընդունելի է»:

Հիշեցնենք, որ ՄԱԿ-ի Անվտանգության խորհուրդը փետրվարի 24-ին ընդունել էր բանաձեւ, որը Սիրիայում հակամարտող կողմերից պահանջում է առնվազն 30 օրով դադարեցնել ռազմական գործողությունները՝ խաղաղ բնակչությանը մարդասիրական օգնություն տրամադրելու համար, հաղորդում է ՏԱՍՍ-ը:

Ըստ ՄԱԿ-ում ԱՄՆ մշտական ներկայացուցչի՝ ՄԱԿ ԱԽ բանաձեւը չափազանց ուշ են ընդունել Ռուսաստանի պատճառով

ՄԱԿ գլխավոր քարտուղարը Սիրիայում հրադադարի անհապաղ հաստատման հույս ունի