նախընտրելի դարձնելՃապոնիայի վարչապետ Սինձո Աբեն մտավախություն ունի, որ Հյուսիսային Կորեայի կողմից անվտանգության սպառնալիքները, այդ թվում նաեւ՝ կարճ եւ միջին հեռահարության հրթիռները, չեն կարող քննարկվել Միացյալ Նահանգների եւ Հյուսիսային Կորեայի գագաթաժողովում, փոխանցում է AP-ն:
Խորհրդարանում ելույթ ունենալիս Աբեն նշել է, որ մտահոգություն ունի առ այն, որ ԱՄՆ նախագահ Դոնալդ Թրամփը (ԿԺԴՀ-ի առաջնորդ Կիմ Չեն Ընի հետ հանդիպման ժամանակ) կկենտրոնանա միջմայրցամաքային բալիստիկ հրթիռների վրա եւ կմոռանա Ճապոնիային սպառնացող կարճ եւ միջին հեռահարության հրթիռների մասին. «Ես նաեւ մտավախություն ունեմ, որ նա (Թրամփը) կարող է հասնել միջուկային փորձարկումների արգելքին, սակայն ի վերջո կխոստովանի, որ Հյուսիսային Կորեան ունի միջուկային զենք»:
Աբեի խոսքով՝ միջազգային հանրությունը պետք է ստիպի Հյուսիսային Կորեային լիովին հրաժարվել իր միջուկային ծրագրերից եւ վերացնել բոլոր տեսակի հրթիռները, որոնց վրա կարող են միջուկային գլխիկներ տեղադրվել:
Աբեն ասել է, որ ցանկանում է հիշեցնել Թրամփին այդ մասին ապրիլին ԱՄՆ կայանալիք այցի ժամանակ:
