նախընտրելի դարձնելՄեծ Բրիտանիայի կառավարությունն անցյալ տարի ավելի քան 500 հազար ֆունտ է վճարել (մոտ 703 հազար դոլար) օդի աղտոտվածության վերաբերյալ պարտված դատական հայցերով: Այս մասին հայտնել է The Guardian թերթը:
Ամենից շատ իշխանությունները վճարել են Client Earth ոչ առեւտրային կազմակերպությանը, որը զբաղվում է շրջակա միջավայրի պահպանության խնդիրներով: Փետրվարին այն դատարանով 148 հազար դոլար էր ստացել մեքենաների ազոտի երկօքսիդի արտանետումների դեմ պայքարի ձախողված պետական քաղաքականության գործով:
Անցյալ տարի իշխանությունները 310,000 ֆունտ են ծախսել դատական որոշումներով այս ընկերությանը վճարումներ կատարելու համար:
Այս բոլոր տվյալները բացահայտվեցին ընդդիմադիր Լեյբորիստական կուսակցության հարցումից հետո, որը քննադատում էր իշխող կուսակցությանը պետական միջոցների յուրացման համար: «Թորիի կառավարությունը, որը ստիպված է դատարանների միջոցով յուրաքանչյուր որոշումը քարշ տալ, արդեն վճարել է հարկատուների հարյուր հազարավոր ֆունտերը՝ պարտված հայցերի վճարումները կատարելու համար, գործելու փոխարեն», - ասել է շրջակա միջավայրի, պարենի եւ գյուղատնտեսության«ստվերային» նախարար Սյու Հեմանը:
Ներկայիս կառավարության ներկայացուցիչները պնդում են, որ իրենց քաղաքականությունը արդյունավետ է եւ նրանք կշարունակեն 3.5 մլրդ ֆունտ արժեքով (4.91 մլրդ դոլար) օդի մաքրման ծրագրի իրականացումը:
