Ադրբեջանում ավարտվել է ապրիլի 11-ին կայանալիք նախագահական ընտրությունների քարոզարշավը. երկրում «լռության օր» է հայտարարված:

Trend-ի փոխանցմամբ՝ նախընտրական քարոզարշավը մեկնարկել է մարտի 19-ին եւ ավարտվել քվեարկությունից 24 ժամ առաջ:

Ադրբեջանի նախագահական ընտրություններին 8 թեկնածու է մասնակցելու: Քվեարկության օրը երկրի 125 ընտրատարածքներում բացվելու է 5.426 մշտական եւ 215 ժամանակավոր ընտրատեղամաս:

Քվեարկության ընթացքին հետեւելու է 871 միջազգային եւ 57.373 տեղական դիտորդ: