նախընտրելի դարձնել
Երուսաղեմում կայացել է ԱՄՆ դեսպանատան բացման պաշտոնական արարողությունը: ԱՄՆ դեսպանատան ցուցատախտակից վարագույրը իջեցրել է ԱՄՆ ֆինանսների նախարար Սթիվեն Մնուչին, ինչից հետո ԱՄՆ նախագահի դուստր եւ Սպիտակ տան խորհրդատու Իվանկա Թրամփը հայտարարել է Երուսաղեմում ԱՄՆ առաջին դեսպանատան բացման մասին:
Ivanka Trump: "On behalf of the 45th President of the United States of America, we welcome you officially, and for the first time, to the Embassy of the United States, here in Jerusalem, the capital of Israel." https://t.co/G4j3a0AAC4 pic.twitter.com/C1b6fsMT9P
— ABC News (@ABC) 14 мая 2018 г.
Նշենք, որ դեսպանատան բացման հանդիսավոր արարողությունը տեղի է ունենում Իսրայելի եւ Պաղեստինի սահմանին պաղեստինցիների մասնակցությամբ արյունալի ցույցերի ֆոնին: Վերջին տեղեկությունների համաձայն՝ իսրայելական կողմից կրակոցների հետեւանքով արդեն 41 պաղեստինցի է սպանվել, ավելի քան 1000 մարդ վիրավորվել է, ընդ որում, նրանց գրեթե կեսը հրազենային վնասվածք է ստացել:
Ողջունելով հյուրերին՝ ԱՄՆ դեսպան Դեվիդ Ֆրիդմանը նշել է, որ ԱՄՆ-ն վերջապես արեց հաջորդ քայլը: «Այսօր մենք բացում ենք Միացյալ Նահանգների դեսպանատունը Երուսաղեմում՝ Իսրայելում: Եվ կրկին ԱՄՆ-ն առաջին ազգն է, ով արեց դա»,- նշել է դեսպանը:
Israeli forces kill 41 in Gaza protests as anger mounts over U.S. Embassy https://t.co/LcZNoNsivi
— Reuters Top News (@Reuters) 14 мая 2018 г.
Տեսաուղերձով հյուրերին է դիմել նաեւ ԱՄՆ նախագահ Դոնալդ Թրամփը: Նա նշել է, որ ԱՄՆ-ի գլխավոր նպատակը նախկինի պես խաղաղությունն է: Թրամփի խոսքով՝ նա ցանկանում է բարեկամության ձեռք մեկնել իսրայելցիներին, պաղեստինցիներին եւ նրանց հարեւաններին:
"It's been a long time coming," President Donald Trump says as US opens its controversial new embassy in Jerusalem
— BBC Breaking News (@BBCBreaking) 14 мая 2018 г.
Latest: https://t.co/8UM2OxlhbZ pic.twitter.com/P5yM69DWaA
«Տարիներ շարունակ մենք չենք ճանաչել մի ակնհայտ, պարզ իրողություն, որ Իսրայելի մայրաքաղաքը Երուսաղեմն է: Միացյալ Նահանգները միշտ կմնան Իսրայելի լավագույն բարեկամն ու գործընկերը ազատության եւ խաղաղության գործում: Թող խաղաղություն լինի: Թող Աստված օրհնի այս դեսպանատունը: Թող Աստված օրհնի բոլոր նրանց, ով ծառայում է այնտեղ եւ թող Աստված օրհնի Ամերիկայի Միացյալ Նահանգները», - ասել է Թրամփը:
