նախընտրելի դարձնել
Միացյալ Նահանգների նախագահ Դոնալդ Թրամփը հաջորդ շաբաթ Մեծ Բրիտանիա այցի ընթացքում մայրաքաղաքից դուրս հանդիպելու է Մեծ Բրիտանիայի վարչապետ Թերեզա Մեյի եւ թագուհի Եղիսաբեթ Երկրորդի հետ, հաղորդում է ՏԱՍՍ-ը:
Թրամփը Բրյուսելից Բրիտանիա կժամանի հուլիսի 12-ին, որտեղ կմասնակցի ՆԱՏՕ-ի գագաթաժողովին: Նրան կուղեկցի իր կինը՝ Մելանյան:
ԱՄՆ նախագահը բնակություն կհաստատի Լոնդոնի Ռիջենթս այգում գտնվող ամերիկյան դեսպանի նստավայրում:
Հուլիսի 13-ին Թրամփը եւ Մեյը ռազմական բազայում կմասնակցեն բրիտանական եւ ամերիկյան զինվորականների զորավարժություններին: Այնուհետեւ նրանք բանակցություններ կանցկացնեն վարչապետի Չեկերս նստավայրում:
Մեյի հետ բանակցություններից հետո ԱՄՆ նախագահը եւ առաջին տիկինը Վինձորի ամրոցում կհանդիպեն Եղիսաբեթ Երկրորդի հետ, որից հետո կթռչեն Շոտլանդիա, որտեղ հանգստյան օրերը կանցկացնեն:
