ՔԴՄ/ՔՍՄ բլոկի պահպանողական թեւը, որը միավորվել է այսպես կոչված  «Միություն հանուն արժեքների» (Werteunion), կոչ է արել ՔԴՄ նախագահի պաշտոնից Գերմանիայի կանցլեր Անգելա Մերկելի հրաժարականի եւ Գերմանիա միգրանտների ներթափանցման հետեւողական սահմանափակման մասին: Օգոստոսի 3-ին հրապարակված «5 թեզիսներ ուժեղ Գերմանիայի համար» փաստաթղթում նշվում է, որ ՔԴՄ-ն արդեն իսկ կարիք ունի ծրագրային եւ կադրային թարմացման, հաղորդում է DW-ն:

Միության անդամները կարծում են, որ արդեն դեկտեմբերին ՔԴՄ-ի համագումարում պետք է կուսակցության նոր ղեկավարություն ընտրել: Նրանց կարծիքով Մերկելը այլեւս չպետք է վերընտրման համար իր թեկնածությունն առաջադրի:

 «Բունդեսթագի հաջորդ ընտրությունների նախապատրաստման համար պետք է համաձայնեցնել դաշնային կանցլերի կարգավորված փոխանցումը», - նշվում է փաստաթղթում:

«Միություն հանուն արժեքների» ծրագրայհին փաստաթուղթը նաեւ կոչ է անում միգրանտների ներհոսքի հետեւողական սահմանափակումը Գերմանիա:

«Փախստականների ընդունման Գերմանիայի ներուժը սպառված է: Մենք պահանջում ենք միգրացիայի զրոյական սահմանափակում եւ ապաստանի իրավունք ունեցող անձանց ձուլում», - նշվում է փաստաթղթում:

ՔԴՄ/ՔՍՄ-ի պահպանողականները կոչ են արել հետեւողականորեն հեռացնել Գերմանիայից նրանց, ովքեր ենթակա են արտաքսման: Ինչ վերաբերում է Եվրամիության երկրների  առանց փաստաթղթերի քաղաքացիություն չունեցող անձանց,  նրանք պետք է սահմանից հետ ուղարկվեն, կարծում է «Միություն հանուն արժեքների»-ն: