Չեչնիայի ղեկավար Ռամզան Կադիրովը հրամանագիր է ստորագրել հանրապետության վարչական սահմանները հստակեցնելու համար հանձնաժողով ստեղծելու մասին, հաղորդում է Kommersant.ru- ն:

Փաստաթուղթը հրապարակված է նախագահի աշխատակազմի եւ Չենչնիայի կառավարության կայքում:

«Հանձնարարում եմ Չեչենական Հանրապետության պետական հանձնաժողով ստեղծել, որը կզբաղվի  Չեչնիայի վարչական սահմանը որոշելիս ծագած հարցերի լուծմամբ», - ասված է հրամանագրում:

Հանձնաժողովի խնդիրներ են՝ սահմանների որոշման համար անհրաժեշտ փաստաթղթերի եւ նյութերի հավաքում,  ինչպես նաեւ վիճելի հարցերի լուծում: Կադիրովը մտադիր է անձամբ վերահսկել հանձնաժողովի աշխատանքը: