ԵՄ-ն Կոսովոյին կոչ է անում հանել Սերբիայից, Բոսնիայից եւ Հերցոգովինայից ապրանքների տուրքերը՝ երկրների միջեւ լարվածության սրման հետ կապված։

Կոսովոն անցյալ ամիս 100 տոկոսանոց հարկ էր դրել սերբական ներմուծվող ապրանքների վրա, ակնհայտորեն վրեժ լուծելով այն բանի համար, որ Ինտերպոլ մտնելու իր փորձը անհաջողության է մատնվել սերբերի կողմից ակտիվ քարոզչության պատճառով։

ԵՄ գլխավոր դիվանագետ Ֆեդերիկա Մոգերինին հայտարարել էր, որ «Կոսովոյի շահերից է բխում այդ որոշման անհապաղ չեղարկումը»։ Նա Պրիշտինային կոչ է արել երկխոսության միջոցով կարգավորել պահանջները։