նախընտրելի դարձնել
ԱՄՆ նախկին նախագահ Ջորջ Բուշ ավագը գաղտնի օգնել է Տիմոտի անունով ֆիլիպինցի տղային, հաղորդում է Gazeta-ն `վկայակոչելով CNN-ին:
Ըստ ալիքի, նա կեղծանուն է օգտագործել: Ինչպես նշվում է, Բուշը միջոցները փոխանցել է նրա կրթության, արտադասարանային գործունեության եւ սննդի համար:
Բացի դրանից նա տղային անանուն նամակներ է գրել:
«Ես ուզում եմ նամակագրության քո ընկերը լինեմ: Ես ծեր մարդ եմ, 77 տարեկան եմ, բայց սիրում եմ երեխաներին: Եվ թեեւ մենք դեռ չենք հանդիպել, ես զգում եմ, որ արդեն սիրում եմ քեզ: Ես ապրում եմ Տեխասում եւ երբեմն գրելու եմ քեզ: Հաջողություն», —CNN-ը ներկայացնում է նամակի տեքստերից մեկը:
Նշվում է, որ Ջորջ Բուշը երեխային հովանավորելու մասին որոշել էր այն ժամանակ, երբ նա այցելել էր Վաշինգթոնում Սուրբ Ծննդյան համերգին:
