նախընտրելի դարձնել
Սպասվում է ՄԻԵԴ-ի որոշումը Մանվել Սարիբեկյանի, Գուրգեն Մարգարյանի, Մամիկոն Խոջոյանի եւ Արթուր Բադալյանի գործերով: Մարտի 7-ին մամուլի ասուլիսում այս մասին հայտնեց իրավաբան, միջազգային իրավունքի փորձագետ Արա Ղազարյանը։
Ավելի վաղ այդ չորս գործերը միավորվել էին մեկ գործում:
«Դեռ մի քանի տարի առաջ եվրոպացիներին դժվար էր համոզել ռասիզմի եւ քսենոֆոբիայի մեջ: Սակայն հետո տեղի ունեցան 2016 թվականի ապրիլի իրադարձությունները եւ եվրոպացիները սկսեցին համոզվել», - նկատեց իրավաբանը:
Ներկայումս նշված գործերով բոլոր ընթացակարգերն ավարտվել են, սպասվում է որոշումը:
«Եթե անգամ մեկ գործով որոշում ընդունվի, դա կարեւոր նախադեպ է», - ընդգծեց Ղազարյանը:
Մանվել Սարիբեկյանը մահացել է ադրբեջանական տանջարանում:
Գուրգեն Մարգարյանը Բուդապեշտում գլխատվել է ադրբեջանցի զինծառայող Ռամիլ Սաֆարովի կողմից: Հետագայում Սաֆարովը վերադարձել էր հայրենիք եւ հերոս հռչակվել:
Մամիկոն Խոջոյանը մահացել է ադրբեջանական տանջարանում արված ներարկումների հետեւանքով:
Արթուր Բադալյանը մոտ երկու տարի անցկացրել էր ադրբեջանական գերության մեջ, ընդ որում Ադրբեջանի իշխանությունները ընդհուպ մինչեւ նրան հայրենիք փոխանցելը հրաժարվում էին հաստատել երկրում նրա գնտվելը:
