նախընտրելի դարձնել
Givealittle հիմնադրամը 2,482,792.09 դոլար է հավաքել Նոր Զելանդիայի մզկիթներում հրաձգությունից տուժածների աջակցության համար, հաղորդում է հիմնադրամի կայքը:
Ներկայումս իրենց ֆինանսական ներդրումն են ունեցել մոտ 37 հազար դոնորներ:
«Տասնյակ ընտանիքներ սգում են եւ այսօր կատարված հրաձգության հետեւանքով շատերը վիրավորվել են: Նրանք մեր օգնության եւ աջակցության կարիքն ունեն: Բոլոր նվիրատվությունները կուղղեն Քրայսթչերչում հրաձգության հետեւանքով տուժած մարդկանց եւ զոհերի հարազատներին աջակցությանը եւ ռեսուրսներով ապահովմանը», - նշվում է կայքում:
Ուրբաթ զինված անձինք ներխուժել էին Ալ Նուր եւ Լինվուդ մզկիթները, որտեղ այդ պահին հարյուրավոր մարդիկ կային եւ հրաձգություն սկսել: Հարձակման հետեւանքով, ըստ վերջին տվյալների, մահացել էր 49 մարդ, տասնյակ վիրավորներ տեղափոխվել են հիվանդանոցներ:
