նախընտրելի դարձնել
Կոալիցիայի ռազմաօդային ուժերը շաբաթ գիշեր կրկին հերթական ավիահարվածներն են հասցրել Տրիպոլիի եւ այլ քաղաքների օբյեկտներին, հաղոդում է «ՌԻԱ Նովոստին»` վկայակոչելով լիբիական «Ալ Ջամահիրիա» հեռուստաընկերությունը:
Տրիպոլիի մերձակայքում կոալիցիոն ուժերի թիրախ է դարձել Տաժուրա շրջանը, որտեղ ռազմական օբյեկտներ են տեղակայված:
Օդային հարվածներ են հասցվել նաեւ ապստամբների վերահսկողության տակ գտնվող Միսրատա քաղաքից 50կմ արեւմուտք ընկած Զլիտեն քաղաքին եւ երկրի արեւմուտքում գտնվող Էլ Վատիա շրջանին, որտեղ խոշոր ռազմաբազա է տեղակայված:
Արեւմտյան կոալիցիայի ուժերն արդեն մի քանի օր ավիահարվածներ են հասցնում Լիբիային: Կոալիցիայի մեջ են մասնավորապես մտնում Մեծ Բրիտանիան, Ֆրանսիան, ԱՄՆ-ը, Կանադան, Իտալիան, Իսպանիան, Դանիան եւ Բելգիան:
