Երեւանի քաղաքապետարանը կրկին արգելել է ընդդիմադիր Հայ ազգային կոնգրեսին հանրահավաք անել Ազատության հրապարակում:

Երեւանի քաղաքապետարանի պաշտոնական կայքը տեղեկացնում է, որ «Հայոց համազգային շարժում» կուսակցության վարչության գործադիր քարտուղար Վահագն Հայոցյանը  Երեւանի քաղաքապետարան է ներկայացրել իրազեկումներ  ապրիլի 18-ին եւ 19-ին ժամը 16-ից  Երեւան քաղաքի Ազատության հրապարակում զանգվածային հրապարակային միջոցառում (հանրահավաք) եւ Ազատության հրապարակ - Մաշտոցի պողոտա - Ամիրյան փողոց - Հանրապետության հրապարակ - Նալբանդյան փողոց - Հ. Թումանյան փողոց - Ազատության հրապարակ երթուղով երթ անցկացնելու մասին։

Երեւանի քաղաքապետի լիազոր ներկայացուցիչը ապրիլի 1-ին արգելել է հանրահավաքների անցկացումը նշված վայրում, քանի որ այդ եւ դրան հաջորդող օրերին եւս Ազատության հրապարակում անցկացվելու են այլ միջոցառումներ, որոնք բացառում են տվյալ միջոցառումների անցկացումը:

Միաժամանակ առաջարկվել է նախատեսվող հանրահավաքներն անցկացնել իրազեկումների մեջ նշված օրերին եւ ժամերին` Մատենադարանի  հարակից տարածքում, իսկ երթերի անցկացումն ընդունվել է ի գիտություն։