նախընտրելի դարձնել
Կինը հայտնաբերել է հանելուկային ծովային էակ, որն արտաքինից նման է մարդկային ուղեղի, դրան հպվելուց հետո նրա մոտ առաջացել է վերջույթների ընդարմացում, հայտնում է Daily Mail-ը:
Նա իր առեղծվածային գտածոյի լուսանկարը հրապարակել է Facebook-ի «Թասմանիայի դաշտային բնագետներ» էջում՝ հուալով ստանալ իր հարցի պատասխանը:
«Ես եւ մայրս դրանք տեսանք լողափում, եւ երբ ես հպվեցի դրան, ինձ մոտ ընդարմացում սկսվեց: Ես հպվեցի մատով, եւ այն ընդարմացավ: Մայրս պատահաբար ոտքով դիպավ, եւ նրա ոտքը նույնպես ընդարմացավ»,- գրել է կինը:
Անհայտ ծովային էակի «զոհին» պատասխանել է Թասմանյան թանգարանի եւ արվեստի պատկերասրահի անողնաշավորների կենդանաբանության կուրատոր, դոկտոր Սայմոն Գրոուվը:
Նրա խոսքով՝ կինը հանդիպել է գաղութային ասցիդիայի, որոնք Ավստրալիայում հազվադեպ են հանդիպում եւ համարվում են ինվազիվ տեսակ:
