նախընտրելի դարձնել
Խորհրդարանական մեծամասնությունը շրջանառության մեջ դրեց սահմանադրական փոփոխությունների նախագիծը, որի հիման վրա ՀՀ-ում մեկ քաղաքական ուժ միանձյա կերպով փոխելու է Սահմանադրությունը եւ դադարեցնելու է Սահմանադրական դատարանի գործունեությունը։ Այս մասին ֆեյսբուքյան իր էջում գրել է ՍԴ նախագահ Հրայր Թովմասյանի փաստաբան Ամրամ Մակինյանը։
Գրառման մեջ, մասնավորապես, ասվում է․
«Երկու օր առաջ գրել էի նրա մասին, որ խորհրդարանական մեծամասնությունը չի հետեւելու Վենետիկից եւ Ստրասբուրգից եկող հորդորներին եւ շարունակելու է «Երկքայլային պարզունակ կոմբինացիայի» իրականացումը։
Եվ ահա դեռեւս «երկքայլային պարզունակ կոմբինացիայի» առաջին քայլը չավարտված, խորհրդարանական մեծամասնությունը շրջանառության մեջ դրեց սահմանադրական փոփոխությունների նախագիծը, որի հիման վրա ՀՀ-ում մեկ քաղաքական ուժ միանձյա կերպով փոխելու է Սահմանադրությունը եւ դադարեցնելու է Սահմանադրական դատարանի գործունեությունը։
Իրավաբանական կրթություն կամ միջին իրավագիտակցություն ունեցող ցանկացած անձ հիանալի կերպով գիտակցում է «Իմ քայլը» խմբակցության քայլերի բացասական հետեւանքները մեր պետականության վրա։
Հ.Գ. Հարցս ուղղում եմ իմ իրավաբան գործընկերներին՝
-Հարգելիներս, երբեւէ որեւէ դասագրքում կարդացել կամ տեսել եք Ազգային ժողովի կողմից սահմանադրական կարգի տապալման նման առերեւույթ օրինակ»։
