նախընտրելի դարձնել
Եվրահանձնաժողովի հետազոտությունների եւ ինովացիաների գլխավոր տնօրինության աշխատակիցը կիրակի մահացել է նոր տեսակի կորոնավիրուսի (COVID-19) առաջացրած հիվանդության հետեւանքով: Այս մասին այսօր՝ ապրիլի 13-ին, Twitter-ում հայտնել է Եվրահանձնաժողովի նախագահ Ուրսուլա ֆոն դեր Լյայենը:
Սա Եվրահանձնաժողովի աշխատակիցների շրջանում COVID-19-ի հետեւանքով մահվան առաջին դեպքն է: «Ես խոր վշտով հայտնում եմ կիրակի Եվրահանձնաժողովի հավատարիմ աշխատակցի մահվան մասին, որը վարակվել էր կորոնավիրուսով: Ես անկեղծորեն ցավակցում եմ նրա ընտանիքին, մտածում եմ նաեւ Եվրոպական հանձնաժողովի գիտական հետազոտությունների նրա գործընկերների մասին եւ ընդհանրապես [Եվրահանձնաժողովի] գիտական հետազոտությունների գլխավոր տնօրինության մասին»,- նշել է ֆոն դեր Լյայենը՝ չբացահայտելով հանգուցյալի անունը, փոխանցում է ՏԱՍՍ-ը:
Առողջապահության համաշխարհային կազմակերպության եվրոպական բյուրոյի տվյալներով՝ Եվրոպայում նոր կորոնավիրուսով վարակվել է 881 հազար մարդ, 74,25 հազարը մահացել է:
I am extremely sad to announce the passing away yesterday of a devoted Commission member of staff, who had fallen ill to COVID-19. I present my heartfelt condolences to his family, and my thoughts are also with his colleagues from the ERCEA and the wider DG Research & Innovation.
— Ursula von der Leyen (@vonderleyen) April 13, 2020
