նախընտրելի դարձնել
Մայիսի երկրորդ կեսից Իսպանիան մտադիր է սկսել մեղմացնել կորոնավիրուսի բռնկման կապակցությամբ ներդրված սահմանափակումները, ասել է վարչապետ Պեդրո Սանչեսը, փոխանցում է Reuters-ը:
Ընդ որում, երկրում համաճարակաբանական իրավիճակի վատթարացման դեպքում սահմանափակումները կարող են կրկին ներդրվել: «Մենք առաջ կշարժվենք` կախված համաճարակի իրավիճակի զարգացումից»,- ասել է Իսպանիայի վարչապետը:
Երեքշաբթի երեկոյան երկրի իշխանություններն ընդառաջեցին բնակիչներին` թույլ տալով նրանց մինչեւ 14 տարեկան երեխաներին կարճատեւ զբոսանքների տանել խիստ հսկողության ներքո:
Իսկզբանե, կառավարությունը թույլ էր տալիս ծնողներին երեխաներին իրենց միայն խանութներ եւ դեղատներ տանել, բայց սոցիալական ցանցերում եւ պատշգամբներում բողոքի ցույցերից հետո երեխաների զբոսանքը, այնուամենայնիվ, թույլատրվեց:
Հիշեցնենք, որ անցած շաբաթվանից Իսպանիայի իշխանությունները թույլ են տվել աշխատանքի վերադառնալ ոչ առաջին անհրաժեշտության որոշ ոլորտների ներկայացուցիչների:
