Արգենտինան կորոնավիրուսային համավարակի պատճառով ցանկանում է արգելել բոլոր ներքին եւ միջազգային չվերթները մինչեւ սեպտեմբերի 1-ը, հայտնում է CNBC- ն: Նախագահ Ալբերտո Ֆերնանդեսի վարչակազմը հայտարարել է, որ նախատեսում է կասեցնել առաջիկա չորս ամսվա ընթացքում Արգենտինայից եւ դեպի Արգենտինա բոլոր կոմերցիոն չվերթների տոմսերի վաճառքը` նախազգուշացնելով, որ նրանք, ովքեր կանտեսեն այդ կանոնները, կտուգանվեն: Բացառություններ կարվեն միայն բեռնափոխադրումների եւ արտանման թռիչքների համար:

Արգենտինայի քաղավիացիայի ազգային վարչակազմի կողմից ստորագրված հրամանագիրը կորոնավիրուսով պայմանավորված ուղեւորությունների ամենախիստ սահմանափակումներից մեկն է համարվում աշխարհում:

Ոլորտի ընկերությունները քննադատել են առաջարկը` նախազգուշացնելով, որ նման քայլը կարող է վտանգել հազարավոր մարդկանց աշխատանքը:

Այսօրվա դրությամբ Արգենտինայում գրանցվել է Covid-19-ով վարակման ավելի քան 4000 դեպք, մահացել է 197 մարդ: