COVID-19 համաճարակի սարսափները, կարծես, հաստատում են կոլեկտիվ անգիտակից վիճակի մասին Յունգի գաղափարը եւ երազների մասին Ֆրեյդի աշխատանքը, գրում է AP-ը:

Կորոնավիրուսի համավարակը սյուռեալիստական եւ վախենալի կերպով փոխել է առօրյա կյանքը եւ ներթափանցել այնտեղ՝ բացահայտելով վախի, կորստի, մեկուսացման եւ վշտի զգացողությունները, որոնք դուրս են մշակութային, լեզվական եւ ազգային սահմաններից:

Բոլորը՝ Պակիստանում քոլեջի ուսուցչից մինչեւ Կանադայի առեւտրի կենտրոնի գանձապահ եւ Ֆլորիդայից քահանա, բախվում են նույն հրեշին: Բոլորը արթնանում են քրտինքի մեջ գիշերվա կեսին:

Մասնագետները նշում են, որ պատմության ընթացքում մարդկությունն այդպիսի լայն մասշտաբով հազվադեպ է «հավաքական երազներ» ունեցել, եւ, իհարկե, երբեւէ չի եղել իրական ժամանակում այդ մղձավանջներով կիսվելու հնարավորություն:

Հոգեբանական կորուստները գերակշռում են, հատկապես առողջապահության ոլորտի աշխատողների համար, որոնց երազները նման են պատերազմի վետերանների եւ սեպտեմբերի 11-ի դեպքերի ականատեսների երազներին, ասել է Հարվարդի համալսարանի պրոֆեսոր Դեյրդրե Բարեթը, ով ուսումնասիրում է COVID երազաները ամբողջ աշխարհում: Նա հավաքել է 6000 երազաների պատկերներ՝ 2400 մարդկանցից:

Երազները նաեւ ցույց են տալիս, թե ինչն է մեզ ամենաշատը անհանգստացնում համավարակի հետ կապված: Թեմաները բազմազան են թվում:

Սրանք երազներ են անվտանգ վայրի մասին, որը հանկարծակի վիրուսով է բռնկվում, խոսում են վարակի անտեսանելիության մասին, ասում է Քորնելի համալսարանի պրոֆեսոր Քորնի Քարութը: Ըստ նրա, համավարակային երազները հիշեցնում են Հերոսիմայում վերապրածների փորձը, որոնք անհանգստացած են ճառագայթման անտեսանելի ազդեցությունից, ինչպես նաեւ Վիետնամի վետերանների նկարագրած որոշ մղձավանջներ: «Թվում է, որ դրանք մասամբ կապված են այնպիսի բաների հետ, որոնք դժվար է հասկանալ, ինչը նշանակում է, որ յուրաքանչյուրը կարող է սպառնալիք լինել, եւ դուք կարող եք սպառնալիք լինել բոլորի համար»,- ասել է Քարութը:

Բարեթի խոսքերով՝ շատ մարդիկ երազում տեսնում են, որ իրենք հիվանդ են COVID-19-ով կամ վարակված են մի բանով, որը կարծես վիրուսի փոխարինողն է՝ միջատների պարսեր, սողացող որդեր, կախարդներ, ժանիքներով մորեխներ: Մյուսները հանրային վայրերում են`առանց դիմակի կամ պատշաճ սոցիալական հեռավորության: Ոմանք երազում կորցնում են վերահսկողությունը: Նման երազի մեջ մարդը հարձակման է ենթարկվում վարակված մարդկանց կողմից, ովքեր հազում են նրա վրա: Մեկ այլ երազի մեջ մարդը հանդիպում է մարդկանց խմբերի, որոնք գնդակահարում են պատահական անծանոթ մարդկանց:

Դրանցից շատերը ցածր մակարդակի տագնապալի երազներ են, ոչ թե մղձավանջներ, որոնք առաջացել են տրավմաներից: Սակայն այս ամենը հիմնովին փոխում է առողջապահության ոլորտի աշխատողների վիճակը առաջնագծում, ասում է Բարեթը: «Նրանք սարսափելի մղձավանջներ են ունենում, որոնք վերարտադրում են նրանց ապրումները, եւ բոլորն էլ ունեն թեմա. «Ես պատասխանատու եմ այս մարդու կյանքը փրկելու համար, եւ ես չեմ հասցնում, եւ այդ մարդը մահանում է»,- պատմում են նրանք: