Շվեյցարիայի իշխանությունները փնտրում են անցած տարի գնացքում ոսկու ձուլակտորներ թողած անձին: Գումարը կազմում է 190 000 դոլար, հաղորդում է Fox news-ը:

Լյուցերնի դատախազները հայտնել են, որ դրանք հայտնաբերվել են գնացքում այն բանից հետո, երբ ուղեւորը լքել է գնացքը:

Իշխանությունները ձուլակտորները գտել են հոկտեմբերին, եւ այժմ դիմում են հասարակությանը, քանի որ հետաքննությունը փակուղի է մտել:

Ոսկու ձուլակտորների սեփականատերն ունի 5 տարի, որպեսզի հայտնվի եւ ապացուցի իր սեփականության իրավունքը: Դեռ ոչ ոք չի դիմել: