նախընտրելի դարձնելԻնչպես վկայում են ՀՀ կառավարությանն առընթեր պետեկամուտների կոմիտեի տվյալները, ՙԱՐՄԵՆԱԼ՚ գործարանը հանդիսանում է պատրաստի արդյունաբերական արտադրանքի խոշորագույն արտահանող, իսկ ներմուծման ծավալով զիջում է միայն բնական գազ, նավթամթերքներ եւ ավտոմեքենաներ ներմուծող ընկերություններին: Այդ մասին NEWS.am-ին տեղեկացնում են ընկերության հասարակայնության հետ կապերի բաժնից։
Սույն թվականի հունվար-մարտ ամիսների ընթացքում փայլաթիթեղագլանման «ԱՐՄԵՆԱԼ» գործարանը, որը մտնում է աշխարհում ալյումինի եւ կավահողի խոշորագույն արտադրող UC RUSAL կազմի մեջ, թողարկել է 6610 տոննա արտադրանք, որը 8,7% գերազանցում է անցյալ տարվա առաջին եռամսյակի մակարդակը եւ հանդիսանում է ձեռնարկության 11-ամյա աշխատանքի ողջ ընթացքում ամենաբարձր ցուցանիշը:
Տոննաներով արտահայտված փայլաթիթեղի արտահանման ծավալն առաջին եռամսյակում աճեց 7,7%` հասնելով 5867 տոննայի, իսկ դրամական արտահայտությամբ` 20,5%` հասնելով 20,44 մլն դոլարի: Այսպիսով «ԱՐՄԵՆԱԼ»-ի բաժինը Հայաստանի արտահանման մեջ հասավ 8,22%, ինչը 0,46% ավելի է, քան 2010 թ. արդյունքները:
2010 թ. առաջին եռամսյակի համեմատությամբ՝ միջին ամսական աշխատավարձը 2011 թ. առաջին եռամսյակի ընթացքում աճել է գրեթե 10%՝ անցնելով 235 հազար դրամից, որը 2 եւ ավելի անգամ գերազանցում է Հայաստանում համանման ցուցանիշը:
