նախընտրելի դարձնել
Հոկտեմբերի 6-ից սկսած Փարիզում եւ արվարձաններում կգործեն նոր սահմանափակող միջոցներ, գրում է Le Figaro-ն:
Դեռ հայտնի չէ՝ կոնկրետ ինչ նոր միջոցների մասին է խոսքը: Սանիտարական անվտանգության նոր արձանագրության համապատասխան՝ ռեստորանները պետք է գրանցեն իրենց այցելուների կոորդինատները, որպեսզի անհրաժեշտության դեպքում կապ հաստատեն նրանց հետ: Ռեստորանների սեղանների միջեւ հեռավորությունը պետք է կազմի առնվազն 1,5 մետր, վճարումը պետք է կատարվի հենց հաճախորդի սեղանի մոտ:
Հասարակական սննդի կետերը պետք է փակ լինեն ժամը 22:00-ից հետո:
Պարբերականը նշում է, որ այդ սահմանափակող միջոցներն առաջարկվել են ռեստորանային ճյուղի աշխատակիցներին եւ հաստատվել Ֆրանսիայի կառավարությանն առընթեր առողջապահության բարձրագույն խորհրդի կողմից:
Պարբերականը նշում է, որ դեռ բաց է մնում սրճարանների եւ բարերի մասին հարցը: Դրանք, ամենայն հավանականությամբ, փակ կլինեն առաջիկա 15 օրերին:
«Առավելագույն վտանգի գոտի» կարգավիճակը սահմանափակումներ է մտցնում նաեւ դպրոցներում, համալսարաններում եւ կրթական այլ հաստատություններում, ուսուցումը կանցկացվի հեռավար ռեժիմով:
