նախընտրելի դարձնել
2021 թվականի բյուջեի նախագծի մասին օրենքում նշված է, որ տարվա ընթացքում մենք պետք է առնվազն 100 ուսումնասիրություն իրականացնենք: Դրանց թվում է բնակչության շրջանում լայն պահանջարկ ունեցող 25 տեսակի պարենային եւ ոչ պարենային արտադրանքի ուսումնասիրությունը: Այս մասին Հայաստանի Ազգային ժողովում ֆինանսավարկային եւ բյուջետային հարցերի, ինչպես նաեւ տնտեսական հարցերի մշտական խորհրդարանական հանձնաժողովների համատեղ նիստին 2021 թվականի բյուջեի նախագծի քննարկման ժամանակ ասաց Տնտեսական մրցակցության պաշտպանության պետական հանձնաժողովի նախագահ Գեղամ Գեւորգյանը:
Ընդ որում, 5 տեսակի ապրանքի մասով ուսումնասիրությունը պետք է իրականացվի առավելագույն մանրակրկիտությամբ:
«Հինգ տարին մեկ մենք պետք է հաշվետվություն ներկայացնենք շուկայում իրավիճակի վերաբերյալ», - ասաց Գեւորգյանը` հավելելով, որ դա թույլ է տալիս հետեւել շուկայում առկա դինամիկային եւ իրավիճակին եւ պարզել, թե կոնկրետ ինչ փոփոխություններ են դրանում տեղի ունեցել:
