նախընտրելի դարձնելՈւելսի հարավ-արեւմուտքում, Փեմբրուքում ամերիկյան Chevron ընկերության նավթավերամշակման գործարանում հզոր պայթյուն է որոտացել: BBC-ի փոխանցմամբ, նախնական տվյալներով երկու մարդ է զոհվել:
Հաղորդվում է, որ պայթյունի արդյունքում նավթային պահուստարաններից մեկը լիովին ոչնչացվել է, մյուսը լրջորեն վնասվել է: Ականատեսների վկայությամբ, պայթյունից հետո սեւ ծուխ է բարձրացել:
Դեպքի վայր տասնյակ հրշեջ հաշվարկներ են բերվել: Chevron-ի ներկայացուցիչների հայտարարության համաձայն, ներկայումս հրդեհը հաջողվել է մարել: Ընկերությունը հայտնել է, որ այժմ «միջոցներ են ձեռնարկվել իրավիճակին արձագանքելու համար»:
Դեպքի հանգամանքների հետաքննություն է ընթանում:
