նախընտրելի դարձնել«Հարավկովկասյան երկաթուղի» ՓԲ ընկերության Երեւան- Բաթում-Երեւան երթուղու «Արմենիա» ֆիրմային գնացքի տոմսերի վաճառքն ակնկալվում է հունիսի 6 -ից: Գնացքն ամենօրյա ուղերթ կիրականացնի արդեն հունիսի 15-ից:
Տոմսեր հնարավոր է ձեռք բերել Երեւանի, ինչպես նաեւ Գյումրիի, Վանաձորի եւ Արմավիրի կայարաններում` տոմսերի վաճառքի ավտոմատացված «Օրիոն» համակարգի միջոցով, որը թույլ է տալիս խուսափել հերթերից եւ տոմսերի կրկնությունից:
Նշենք, որ «Հարավկովկասյան երկաթուղի» ՓԲ ընկերությունը զգալի կրճատել է նաեւ ճանապարհի տեւողությունը. ներկայումս Երեւանից Բաթում հասնելու համար նախկին 18 ժամվա փոխարեն կպահանջվի 16 ժամ 37 րոպե, իսկ հակառակ ուղղության համար` նախկին 18 ժամ 13 րոպեի փոխարեն ` 16 ժամ 55 րոպե:
