նախընտրելի դարձնել
Արագածոտնի նախկին մարզպետ Սարգիս Սահակյանն իրեն առաջադրված մեղադրանքը չի ընդունում։ Այս մասին NEWS.am-ի հետ զրույցում ասաց Սահակյանի պաշտպան Կարեն Եսայանը։
«Առաջադրված մեղադրանքն անհիմն է։ Իմ պաշտպանյալն առաջադրված մեղադրանքը չի ընդունում»,- ասաց պաշտպանը։
Հիշեցնենք, որ Արագածոտնի նախկին մարզպետը եւ նրա հանրապետական նախկին պատգամավոր եղբայրը՝ Նաիրի Սահակյանը, մեղադրվում են չարաշահումների, հափշտակության մեջ։
Նշենք, որ այսօր Երեւան քաղաքի ընդհանուր իրավասության դատարանում քննվելու է նրանց կալանավորելու վերաբերյալ ԱԱԾ քննիչի միջնորդությունը։
